Makbeð

Þetta var skemmtilegt leikrit, meira að segja hægt að hlæja stöku sinnum. Vel leikið að mér fannst. West Yorkshire Playhouse er líka alveg ágætis leikhús.

Bara eitt sem ég var að velta fyrir mér á meðan á sýingunni stóð. Hvernig getur skoskur þjánn átt indverk/pakistansk- ættaðan son? Einn leikarinn var nefnilega greinilega ættaður af þeim slóðum. Hann lék meira að segja ekki einn heldur tvo syni, sem báðir voru drepnir. Svo lék hann líka eina norn. Hún var ekki drepin.

Svo var eitt sem pirraði mig. Mér finnst að það ætti að segja hæðatakmarkanir á leiksýningar og kvikmyndasýningar. Undantekningalaust lendi ég í því að sitja fyrir aftan tveggja metra slána. Þarf þar af leiðandi ef ætlunin er að sjá eitthvað að hálf liggja í kjöltunni þeim sem eru svo óheppnir að sitja við hliðina á mér. Reyndar svaf konan sem sat hægra megin við mig vært fyrir hlé. Hvað sem öllum öskrunum, hrópunum, köllunum, morðunum, þrumunum og eldingunum leið. Það er nú afrek útaf fyrir sig.